السلام عليكم ورحمة الله وبركاته
صبآأإح / مسآأإء .. أعذب من أنفاسكم
بنات أحسن منتدى بالعالم اليوم جايبه لكم فكره جديده
سوالفكم بالمطبخ
يعني وش الفضايح اللي صارت لكم وسط المطبخ
تكسير حرق حوسه اللي تبون كل وحده تجي هنا وتبطح لنا سالفتها
منها نتعلم والأهم نوسع صدورنا
أنتظر منكم أحلى المواقف
,,,,,,,,,,,,,,,,,,,,,,,,,
راح أبدا أنا
بما أني أنا صاحبة الفكره
بسم الله
كنا في الكليه وبالضبط بمطبخ الكليه
نسوي مربى تفاح
قشرنا التفاح وبشرنا وطبخنا وبعد طلعة الروح زان
كان انا وصديقتي فتونه يالبى قلبها
المهم الأستاذة قالت يالله بسرعه وين شغلكم أبي أقيمكم حطوه بالعلب
فجأه جت السوبر مانه
فرووووووحة
ماتبي تحطه بالعلبه وهو حار وش سويت يالبى انا
و آخذ القدر وأفتح الحنفيه
لا تخافووون بس على الجوانب عشان أبرد المربى والموضوع اوك بكل دقه << للمعلوميه ترى منيب فاهيه ابد
توني بسكر المويه مدري وشلون فجأه فهيت
وارجع القدر يعني ماميلته عن الحنفيه .....................................
كارثه
االمويه وسط المربى واجي بحركة ترقيعيه واكب المويه
فتونه لوها قابرتني مالمتها
ضحكت ياحبي لها وظفينا كل شئ قلت احسن يبرد يبرد اسرع
ونحطها بالعلبه ونخليه للأسبوع اللي بعده عشان نشوف وش صار
؟
؟
؟
؟
جينا صار المربى موب شين بس ما أذكر ابد اننا خذنا الدرجه الكامله
بس الحمد لله عدت على خير
,,,,,,,,,
فروحة